Մայիսի 20-ին «Հայարտ» մշակութային կենտրոնում տեղի է ունենալու ստեղծագործական երեկո, որը կրելու է «Դիմանկար տեղում» անունը: Ինչպես PanARMENIAN.Net -ի թղթակցին հայտնեցին մշակութային կենտրոնից, նկարիչներ Վահե Թևոսյանը, Վարդան Թովմասյանը, Սուքիաս Թորոսյանը, Յուրա Խաչատրյանը, Խաչիկ Հարությունյանը և Սերգեյ Պողոսյանը տեղում նկարելու են ստեղծագործական երեկոյի այցելուներին: Կենտրոնի աշխատակիցը նաև նշեց, որ առայժմ հայտնի չէ, թե ինչպիսին կլինի նկարների հետագա ճակատագիրը: Հնարավոր է, որ դրանք նվիրաբերվեն կամ վաճառվեն երեկոյի մասնակիցներին: