Մայիսի 18-ին ՖԻՖԱ-ն հրապարակել է ազգային հավաքականների հերթական վարկանիշային ցուցակը: Հայաստանի ազգային հավաքականը 524 միավորով մնացել է 62-րդ տեղում:
2012-ի Եվրոպայի առաջնության ընտրական մրցաշարի B խմբում Հայաստանի հավաքականի մրցակիցները զբաղեցնում են հետևյալ տեղերը. Ռուսաստանը նախկինի նման 18-րդ տեղում է, Սլովակիան բարձրացել է 26-րդ տեղը, Իռլանդիան 34-րդ տեղում է, Մակեդոնիան` 85-րդ, Անդորրան` 202:
Վարկանիշային ցուցակը շարունակում է գլխավորել աշխարհի և Եվրոպայի չեմպիոն Իսպանիայի հավաքականը 1857 միավորով: Երկրորդ տեղում աշխարհի արծաթե մեդալակիր Հոլանդիայի հավաքականն է (1702 միավոր), 3-րդ տեղում` Բրազիլիայի հավաքականը (1425 միավոր):