ՀՀ փոխվարչապետ, տարածքային կառավարման նախարար Արմեն Գեւորգյանն մայիսի 18-ին ընդունեց Հայաստանում Շվեդիայի արտակարգ եւ լիազոր դեսպան Դիանա Յանսենին (նստավայրը` Թբիլիսի):
Փոխվարչապետը նշեց, որ դեսպանի այցը Հայաստան կնպաստի հայ-շվեդական հարաբերությունների ակտիվացմանը, եւ հույս հայտնեց, որ երկկողմ նոր համագործակցության հնարավորություններ կստեղծի:
Դեսպան Դիանա Յանսենը շնորհակալություն հայտնելով ընդունելության համար` ընդգծեց, որ Շվեդիան մեծ նշանակություն է տալիս այս տարածաշրջանին եւ կարեւորում է Հայաստանի հետ համագործակցության զարգացումը:
Հանդիպման ընթացքում քննարկվեցին քաղաքական, տնտեսական հարաբերություններին, համագործակցության նոր հնարավորություններին, Հայաստանում անցկացվելիք մարդահամարին վերաբերող հարցեր, ինչպես նաեւ տեղեկություններ ներկայացվեց ԼՂ հիմնախնդրի կարգավորման գործընթացի վերաբերյալ:
Երկուստեք կարեւորվեց առաջիկայում Շվեդիայի արտաքին գործերի նախարարի այցը Հայաստան:
