Իրանի սահմանադրության պաշտպանների խորհուրդն ապօրինի է համարել Իրանի նախագահ Մահմուդ Ահմադինեժադի նավթի նախարարությունը գլխավորելու որոշումը: Այդ մասին հայտնել է AP-ն՝ հղում անելով իրանական Fars գործակալությանը: Մայիսի 14-ին Իրանի նախագահը պաշտոնանկ արեց երեք նախարարների: Պաշտոնից զրկվեց նաև նավթի նախարար Մասուդ Միրքազեմին: Դրանից հետո Ահմադինեժադը հայտարարեց, որ ժամանակավորապես ինքը կգլխավորի գերատեսչությունը:

Իրանի սահմանադրության պաշտպանների խորհուրդն ամենաազդեցիկ անդրխորհրդարանային մարմինն է Իրանում: Այն կազմված է 12 անդամից, որոնցից 6-ին նշանակում է Գերագույն ղեկավարությունը, իսկ մյուս 6-ին՝ մեջլիսը: