Հայաստանը պետք է հետ կանչի իր ստորագրությունը Հայ-թուրքական արձանագրություններիցո և հրաժարվի ղարաբաղյան հակամարտության կարգավորման մադրիդյան սկզբունքներից: Այդ մասին Երևանում «Ժառանգություն» կուսակցության կողմից կազմակերպված «Քաղաքացիական ժողովի» ժամանակ հայտնել է կուսակցության առաջնորդ Րաֆֆի Հովհաննիսյանը: Նա ընդգծել է, որ Հայ-թուրքական արձանագրություններն ուղղակիորեն ընդունում են թուրքական նախապայմանները և աննախադեպ կերպով ճանաչում 1921 թվականի բոլշևիկա-քեմալական պայմանագիրն իր բոլոր նախապայմաններով: Նա ավելացրել է նաև, որ Հայաստանը պետք է ճանաչի ԼՂՀ-ն` նրա սահմանադրական սահմաններով:
«Ժառանգության» առաջնորդը Հայաստանին կոչ է արել նաև ճանաչել Միջազգային քրեական դատարանի իրավասությունը: Նրա խոսքով, եթե ազգային արդարադատությունն անզոր է, ժողովուրդը պետք է իրավունք ունենա միջազգային արդարադատությանը դիմել:
