21 մայիսի 2011 - 16:48 AMT
Օլեգ Եսայանը կարևորում է Հայաստանում դպրոցական սնունդ ծրագրի իրականացումը

Մայիսի 19-ին Հայաստանի դեսպանությունում կայացավ դեսպան Օլեգ Եսայանի հանդիպումը ՄԱԿ-ի Պարենի համաշխարհային ծրագրի (ՊՀԾ) տարածաշրջանային տնօրեն Դալի Բելգասմիի հետ: Դեսպանը ողջունեց եւ իր երախտագիտությունը հայտնեց հյուրին ՄԱԿ-ի Պարենի համաշխարհային ծրագրի կողմից Հայաստանում դպրոցական սնունդ ծրագրի իրականացման ուղղությամբ նրա գործադրած ջանքերի համար:

Պատասխան խոսքում Դալի Բելգասմին խոստովանեց, որ դեռեւս ուսանողական տարիներից խորին հարգանք է տածել դեպի Հայաստանը եւ հայ ժողովուրդը, ինչը բազմապատկվել է, երբ Ժնեւում շփվել է մեծանուն երգիչ եւ երգահան Շառլ Ազնավուրի հետ: Օլեգ Եսայանը իր կողմից նշեց դպրոցական սնունդ ծրագրի կարեւորությունը, ոչ միայն նյութական աջակցության, այլեւ` այլոց կարիքներին արձագանքի առավել պատրաստակամ սերունդ ձեւավորելու առումով:

ՄԱԿ-ի պաշտոնյան հայտնեց նաեւ, որ առաջիկա երեք ամիսների ընթացքում նախատեսել են անցկացնել միջոցառում Մոսկվայում հայ համայնքային կառույցների մասնակցությամբ` նպատակաուղղված հումանիտար ծրագրերի իրականացմանը: