Մայիսի 25-ին Երևանում տեղի կունենա «Նոր դարաշրջանի էլեկտրոնային վճարումների ծառայություններ» թեմայով շնորհանդեսը։
Միջոցառման կազմակերպիչներն են «Ապագա Թեքնոլոջիս» և «M2Mgroup» ընկերությունները։
Շնորհանդեսի նպատակն է ներկայացնել էլեկտրոնային վճարումների տեխնոլոգիաները և գլոբալ լուծումները, որոնք համապատասխանում են բարձր արդյունավետության, հաճախորդների բարձրորակ սպասարկման և շահութաբերության արդի պահանջներին։
Շնորհանդեսի ընթացքում կներկայացվեն հետևյալ թեմաները՝ վճարումներ բջջային հեռախոսից, «ոչ կոնտակտային» տեխնոլոգիաներ, կանխավճարային քարտեր, անվտանգ բանկային գործարքների իրականացում, գերժամանակակից վճարման միջոցներ և այլն։