ՎիվաՍել-ՄՏՍ ընկերության գլխամասային բաժանմունքում տեղադրված ռումբի մասին ահազանգը կեղծ էր: Այդ մասին հայտնում է Հայաստանի Արտակարգ իրավիճակների նախարարության մամլո ծառայությունը:

Ավելի վաղ ՀՀ ԱԻՆ հասարակայնության հետ կապերի վարչության ղեկավար Նիկոլայ Գրիգորյանը PanARMENIAN.Net-ի թղթակցին է հայտնել, որ 13:13-ին ԱԻՆ-ում ահազանգ էր ստացվել այն մասին, որ ՎիվաՍել-ՄՏՍ ընկերության Արգիշտի 4/1 հասցեում գտնվող գլխամասային բաժանմունքում ռումբ է տեղադրված: ՎիվաՍել-ի աշխատակիցները տարհանվել են, կատարվել են ռումբի հայտնաբերման աշխատանքներ:

Հիշեցնենք, որ սա ռումբի տեղադրման մասին արդեն երրորդ կեղծ ահազանգն է: Նախորդ շաբաթ ահազանգ էր ստացվել «Զվարթնոց» օդակայանում ռումբի տեղաադրման մասին: