Հայաստանի իշխող Հանրապետական կուսակցությունն անհանգստացած չէ «Բարգավաճ Հայաստան» կոալիցիոն կուսակցության մտադրությամբ ընտրություններին առանձին ցուցակով մասնակցելու մտադրությամբ: Այդ մասին Երևանում մամլո ասուլիսում հայտարարել է ՀՀԿ պատգամավոր Հովհաննես Սահակյանը: Նա նշել է, որ դա կուսակցության անձնական գործն է, «դրանում արտառոց ոչինչ չկա» և հավելել, որ դա կուսակցության անձնական գործն է, և կոչ արել բոլոր ԶԼՄ-ներին այդ որոշման մեջ ենթատեքստեր չփնտրել: Ինչ վերաբերվում է ընտրություններին ՀՀԿ-ի և «Օրինաց երկիր» կուսակցության համատեղ մասնակցությանը, ապա նրա խոսքերով այդ հարցը ՀՀԿ-ում դեռ չի քննարկվել: Նա նաև ժպիտով նշել է, որ հայկական ԶԼՄ-ները չգիտես ինչու սևեռուն ուշադրություն են դարձնում ընտրություններում կոալիցիոն կուսակցությունների միության մասնակցությանը, և ավելի քիչ` ընդդիմադիր ուժերի դաշինքին:
Սահակյանը նաև մեկնաբանել է «Նոր ժամանակներ» կուսակցության առաջնորդ Արամ Կարապետյանի երեկվա հայտարարությունը, որը ենթադրություն է հայտնել ընտրություններում ՀՀԿ-ի և ընդդիմադիր ՀԱԿ-ի միավորման հնարավորության մասին: Նա նշել է, որ կուսակցությունում նման հարց չկա, և այն երբեք չի քննարկվել: Սահակյանը նաև հավելել է, որ իմաստ չունի մեկնաբանել տարբեր քաղաքական գործիչների տարաբնույթ ենթադրությունները:
