Opera Mini-ի մամլո ծառայությունից հայտնում են, որ այսօր թողարկվել է Opera Mini 6 բրաուզերը iPhone-ների, iPad-ների և iPod Touch-երի համար։ Այն կարելի է բեռնել անվճար Apple App Store-ից։
iOS համակարգով աշխատող հեռախոսների համար Opera Mini 6 բրաուզերը ապահովում է բարձր թույլատրելիությամբ էկրաններ (high resolution), ինչպիսին iPhone 4-ն է, ինչպես նաև առաջարկում է հարմար ինտերֆեյս iPad պլանշետների համար։
Opera Mini 5 բրաուզերը iOS-ների համար թողարկվել էր 2010-ի ապրիլին։ Թողարկման առաջին իսկ օրն այն բեռնել էին ավելի քան 1 մլն անգամ։ Մի քանի օրում բրաուզերը հայտնվել էր Apple-ի բոլոր հավելվածների հիթ-շքերթների առաջատար դիրքերում։