Նոր սառնարանային տնտեսության առկայությունը մեծապես կնպաստի գյուղատնտեսության զարգացմանը, մասնավորապես, մրգի ու բանջարեղենի արտահանմանը, քանի որ նոր տեխնոլոգիաներով կառուցված համալիրն ընդլայնում է ելքը միջազգային շուկա, գտնում է ՀՀ գյուղատնտեսության նախարարը: «Ես վստահ եմ, որ այս տարի համալիրի բացման հետ կաճեն արտահանման ծավալները, հատկապես, ծիրանի, քանի որ այն մեծ նշանակություն ունի հայկական ապրանքանիշի համար»,-ասել է նա սառնարանային համալիրի բացման ժամանակ:
Նախարարը նշել է, որ հաջորդ շաբաթ հանդիպում է կազմակերպվելու արտահանող ընկերությունների հետ՝ սեղմ ժամկետներում առաքումներ կազմակերպելու համար: Նա ասել է նաև, որ հայկական գյուղմթերքը մեծ պահանջարկ ունի Ռուսաստանում, Ուկրաինայում և Եվրոպայում: