Վրացական ընդդիմությունը մտադիր է գիշերն անցկացնել Թբիլիսիի խորհրդարանի շենքի դիմաց
Վրաստանի խորհրդարանի խոսնակ Նինո Բուրջանաձեն` «Ազգային ժողովի» առաջնորդներից մեկը, իր կողմնակիցներին կոչ է արել ողջ գիշեր կանգնել խորհրդարանի շենքի դիմաց և չհեռանալ, ինչպես նաև sms հաղորդագրություններ ուղարկել հանրահավաքի քանակական ավելացման համար: «Սա սկզբունքային հարց է: Դուք պետք է հաղթահարեք այս պահը»,- ասել է նա` ելույթ ունենալով վրացական խորհրդարանի դիմաց կանգնեցված շարժական բեմից:
Ավելի վաղ Բուրջանաձեի կողմնակիցները զբաղեցրել էին Թբիլիսիում Անկախության օրվա առթիվ հինգշաբթի օրը կայանալիք ռազմական շքերթի համար նախապատրաստված տրիբունան: Ներկա պահին նրանք արգելափակել են երթևեկությունը Թբիլիսիի գլխավոր փողոցում` Ռուսթավելիում: Ներկայումս խորհրդարանի շենքի դիմաց մոտ երեք հազար մարդ է գտնվում, հաղորդում է ՌԻԱ Նովոստին:
