2012թ. հունիսի 4-ին Սանկտ Պետերբուրգում կայանալիք Եվրոպայի առաջնության Ռուսաստան-Հայաստան ընտրական հանդիպման հայ երկրպագուների համար նախատեսված տոմսերը մայիսի 26-ից կվաճառվեն Երևանում և Մոսկվայում գտնվող ՀՖՖ գործընկեր «Visa Concord» ընկերության բոլոր գրասենյակներում:

Սանկտ Պետերբուրգում վաճառքը կիրականցվի Հայկական Եկեղեցուն կից խանութներում:

Տոմսերի արժեքներն են. հայ երկրպագուների համար մարզադաշտի առանձնացված հատվածում` 800 ռուբլի, իսկ արևմտյան տրիբունայում` 2300 ռուբլի:

Տոմսերը կվաճառվեն միայն հայ երկրպագուներին և միայն անձնագրի առկայության դեպքում: Ռուսաստան-Հայաստան խաղը կայանալու է հունիսի 4-ին ԵԱ-2012-ի ընտրական փուլի շրջանակներում Սանկտ Պետերբուրգ «Պետրովսկի» մարզադաշտում, հաղորդում է ՀՖՖ մամլո ծառայությունը: