Սիրիական զորքերը տանկերի օգնությամբ մուտք են գործել Հոմս գավառի երկու քաղաքներ` Ռասթան և Թալբիսեխ: Ռեյթեր գործակալությունը, վկայակոչելով ականատեսներին, հաղորդում է, որ Ռասթանում երկու զոհ կա, տասնյակ մարդիկ վիրավոր են: Սիրիական զորքերը տանկերի ուղեկցությամբ կիրակի առավոտյան շրջապատել են Ռասթանն ու Թալբիսեխը, որտեղ հակակառավարական ցույցեր էին տեղի ունենում, և մտնելով 80 հազ. մարդ բնակչությամբ Ռասթան` զինծառայողները քաղաքի փողոցներում գնդացրային կրակ են բացել: Associated Press-ի տվյալներով, քաղաքները կորցրել են կապն արտաքին աշխարհի հետ, քանի որ հեռախոսակապի լարերը կտրել են, և քաղաքները պաշարման մեջ են: