«Ես շատ շնորհակալ եմ Հայաստանի նախագահին և հայ ժողովրդին նախագահի մրցանակի և պատվի համար, որին ես արժանացել եմ Հայոց ցեղասպանության ճանաչման հարցում իմ գործունեության և բոլոր ցեղասպանությունների ժխտման դեմ պայքարի համար»,-ասվում է ցեղասպանագետ, ՀՀ նախագահի մրցանակի դափնեկիր Իսրայել Չարնիի շնորհակալական ուղերձում:
Ինչպես նշվում է Իսրայել Չարնիի ուղերձում, աշխարհը պարտավոր է ճանաչել Հայոց ցեղասպանությունը և հարգանքի տուրք մատուցել այդ հանցագործության զոհերի հիշատակին: Նա նշել է, որ դեռ շատ բան պետք է անել ցեղասպանությունների ճանաչման համար: «Սակայն մենք ամենից շատ պետք է պայքարենք նոր ցեղասպանությունների իրագործման դեմ»,- ասվում է ուղերձում:
Իսրայել Չարնիի կարծիքով, ցեղասպանությունը գլոբալ խնդիր է և ուստի անհրաժեշտ է պայքարել նրանց դեմ, ովքեր հերքում են ցեղասպանությունները:
