Հայաստանի ֆինանսների նախարարության «Թանկարժեք մետաղների և թանկարժեք քարերի պետական գանձարան» գործակալության կողմից մայիսի 30-ից հունիսի 5-ի համար սահմանվել են թանկարժեք մետաղների մեկ գրամ քիմիապես մաքուր մետաղի (պետական ստանդարտ ձուլակտորի համար) պետական գնման և բացթողնման գները` արտահայտված ՀՀ դրամով, հաղորդում է նախարարության մամլո ծառայությունը:

Հաղորդագրության համաձայն, ոսկու գնման գինն այս շաբաթ կկազմի 16997.89 (+454.75), բացթողնման գինը` 18475.97 (+494.3) դրամ, արծաթի գնման գինը` 407.49 (+22.6), բացթողնման գինը` 442.92 (+24.56), պլատինի գնման գինը` 19759.66 (+211.82), բացթողնման գինը` 21477.89 (+230.24), իսկ պալադիումի գնման գինը կկազմի 8288.78 (+270.47), բացթողնման գինը` 9009.54 (+293.99) դրամ: