Արևմտյան Հայաստանում հայկական հուշարձանների վերականգնումը խոսում է այն մասին, որ թուրքական կառավարության քաղաքականությունը հայկական մշակութային ժառանգության վերաբերյալ փոխվել է: Այդ մասին Երևանում մամլո ասուլիսում հայտարարել է ճարտարագետ Աշոտ Հակոբյանը: Սակայն, նրա խոսքերով, հուշարձանների վերականգնման աշխատանքները չեն կարող արդյունավետ լինել, քանի որ դրանց չեն մասնակցում հայ մասնագետները:

«Արդյունքում լիովին աղավաղվում է հայկական ճարտարապետությունը: Օրինակ, Անի քաղաքում Պարոնի պալատի վերականգնման ժամանակ թուրք մասնագետները չեն հետևել հայկական ճարտարապետության հիմնական կանոններին, և արդյունքում մենք տեսնում ենք բոլորովին այլ կառույց»,- ասել է նա: