Այսօրվա դրությամբ 11 հազար ֆերմերային տնտեսություններին տրամադրվել է 7.5 մլրդ դրամի սուբսիդավորված վարկ:Այդ մասին Երևանում հունիսի 3-ին լրագրողներին հաղորդել է Հայաստանի գյուղատնտեսության նախարար Սերգո Կարապետյանը: Նրա խոսքերով, սուբսիդավորման գործընթացը շարունակվելու է, բայց քանի որ պահանջարկն առաջին հերթին կապված է գարնանային սեզոնի հետ, իսկ աշխատանքներն արդեն ավարտվելու են 10-15 օր անց, ապա վարկերի պահանջարկն այդքան մեծ չի լինելու:
Նախարարը հավելել է, որ այդ գործընթացի ակտիվությունը լինելու է աշնանը` կապված սեզոնային աշխատանքների հետ:
Վարկերը տրամադրվում են տարեկան 14 տոկոս տոկոսադրույքով, որից 4 տոկոսը սուբսիդավորում է պետությունը, իսկ մնացած շրջաններում` 6 տոկոսը: