Լեռնային Ղարաբաղի հակամարտության կարգավորման գծով ԵԱՀԿ Մինսկի խմբի գործունեությունն անարդյունք է: «Սփյուռքի միջազգային կենտրոն» հասարակական միավորման ամենամյա հաշվետու ժողովում նման կարծիք է հայտնել Ադրբեջանի խորհրդարանի պատգամավոր Գյուլյար Ահմեդովան:

«Եթե Թուրքիան տեղ ստանար ԵԱՀԿ Մինսկի խմբում, այդ առաքելությունը շատ ավելի հաջող կլիներ: Սակայն նման առաջարկը ջղայնություն է առաջացնում որոշ միջազգային շրջանակներում»,- ասել է Ահմեդովան:

Պատգամավորի խոսքով, անգամ Ադրբեջանի և Թուրքիայի միջև ջերմ հարաբերությունները «սառեցնելու» փորձեր են կատարվում: Ահմեդովան նկատել է, որ Ադրբեջանի ՍՄԿ-ն կարևոր աշխատանք է իրականացնում, որպեսզի միջազգային հանրությանը տեղեկացնի «Ադրբեջանի և Ղարաբաղի մասին ճշմարտության» մասին, հաղորդում է Day.az-ը: