Կոնգրեսն Օբամային երկու շաբաթ է տվել Լիբիայի վերաբերյալ հաշվետվության համար
Կոնգրեսը Բարաք Օբամայի վարչակազմից պահանջել է տեղեկատվություն տրամադրել Լիբիայում հակամարտության էության և այդ երկրում իրականացվող միջազգային օպերացիայում ԱՄՆ դերի մասին:
Համապատասխան բանաձևն ընդունել է Ներկայացուցիչների պալատը, հաղորդում է AP-ն: Բանաձևում դժգոհություն է արտահայտվում այն առիթով, որ նախագահն ամերիկյան զորքեր է ուղղել Լիբիայի ափ` չսպասելով Կոնգրեսի պաշտոնական թույլտվությանը:
Կոնգրեսականները Սպիտակ տնից պահանջում են նաև մանրամասն պատմել օպերացիային ԱՄՆ մասնակցության ժամկետների և դրա համար ենթադրյալ ծախսերի մասին: Պատասխանը նախապատրաստելու համար Ներկայացուցիչների պալատը 14 օր է տվել Օբամային:
