Լոնդոնում հունիսի 7-ին մեկնարկում է «Queen's Club» թենիսի մրցաշարը, որտեղ երկար ընդմիջումից հետո խաղալու է արգենտինահայ թենիսիստ Դավիթ Նալբանդյանը:

Առաջին շրջանում Նալբանդյանը խաղալու է Իլյա Մարչենկոյի դեմ (Ուկրաինա): Զուգախաղում Դավիթ Նալբանդյանը և Էնդի Ռոդիկը հանդես կգան Խուան Մարտինա Դել Պորտոյի և Ռադեկ Շտեպանեկայի դեմ, հաղորդում է մրցաշարի պաշտոնական կայքը:

Մրցաշարին մասնակցում են աշխարհի առաջին և չորրորդ ռակետներ Ռաֆայել Նադալը (Իսպանիա) և Էնդի Մարեյը (Անգլիա), ինչպես նաև Ֆերնանդո Վերդասկոն (Իսպանիա), Միշել Լեդրան (Ֆրանսիա) և այլն:

«Queen's Club»-ից հետո Նալբանդյանը նախատեսում է ելույթ ունենալ «Boodles Challenge»-ում, որը տեղի է ունենալու մայիսի 14-18-ը: Այդ մրցումները նախապատրաստական են լինելու «Ուիմբլդոնից» առաջ, որը մեկնարկում է հունիսի 20-ին: