Ադրբեջանի իշխանությունները փորձում են բոլոր հնարավոր մակարդակներում հայ ժողովրդին ներկայացնել որպես «ոխերիմ թշնամի»: Այդ մասին Երևանում մամլո ասուլիսում հայտարարել է թուրքագետ Վարուժան Գեղամյանը: Նրա խոսքերով, դեռ դպրոցական հասակից ադրբեջանցիների մոտ ձևավորվում է հայերի բացասական կերպար: Օրինակ, ադրբեջանական պատմության դասագրքերում հայերը ներկայացված են որպես ագրեսոր:
Անդրադառնալով ռասիզմի և անհանդուրժողականության դեմ Եվրահանձնաժողովի զեկույցին` հայ փորձագետն ասել է, որ նման զեկույցներ բազմիցս ներկայացվել են, և որ վերջին զեկույցն առանձնապես չի տարբերվում նախորդներից: