Հունիսի 8-ին Հայաստանի պաշտպանության նախարար Սեյրան Օհանյանը Բրյուսել կմեկնի` մասնակցելու ՆԱՏՕ-ի գործընկեր երկրների պաշտպանության նախարարների խորհրդակցությանը: Այդ մասին PanARMENIAN.Net-ի թղթակցին հաղորդեց Հայաստանի պաշտպանության նախարարի մամլո քարտուղար Դավիթ Կարապետյանը: Նրա խոսքով, խորհրդակցությանը մասնակցելուց հետո Սեյրան Օհանյանը հունիսի 9-ին կվերադառնա Երևան:
Միջոցառմանը կմասնակցի նաև Ադրբեջանի պաշտպանության նախարար Սաֆար Աբիևը:
Հունիսի 8-9 Բրյուսելում ՆԱՏՕ-ի կենտրոնական գրասենյակում կկայանա ՆԱՏՕ-ի 28 անդամ երկրների պաշտպանության նախարարների խորհրդակցությունը, որի կարևոր թեման կդառնա Լիբիայում առանց Քադդաֆիի վերականգնողական շրջանի քննարկումը: