Հունիսի 7-ին Երևանում Հայաստանի ֆուտբոլի երիտասարդական հավաքականը Եվրոպայի 2013 թվականի առաջնության ընտրական մրցաշարի շրջանակներում իր առաջին հանդիպումն անցկացրեց Չեռնոգորիայի հավաքականի հետ: Առաջին իսկ րոպեներից հայ ֆուտբոլիստները սկսեցին հարձակվել և խաղն իրենց ձեռքը վերցրեցին: Հարձակումներից մեկն ավարտվեց Նեմանի Շտեկիչի դարպասն ուղարկված գնդակով: Գոլի հեղինակ դարձավ Հայաստանի հավաքականի կիսապաշտպան Էդգար Մալաքյանը:
16-րդ րոպեին հայկական թիմի կիսապաշտպան Արտակ Ալեքսանյանն ընկավ Չեռնոգորիայի տուգանային հրապարակում, սակայն հանդիպման մրցավար Գերխարդ Գրոբելնիկը համարեց, որ նա ձևացնում է և դեղին քարտ ցույց տվեց: 7 րոպե անց Ալեքսանյանը երկրորդ դեղին քարտը ստացավ, և Հայաստանի հավաքականը խաղը շարունակեց 10 հոգով:
Չեռնոգորցիների քանակական առավելությունը նրանց վստահություն ներշնչեց, և նրանք նույնպես սկսեցին վտանգավոր պահեր ցուցադրել Արսեն Պետրոսյանի դարպասի մոտ, սակայն լավ էր խաղում և' դարպասապահը, և' պաշտպանները: Այս հանդիպման առաջին խաղակեսն ավարտվեց 1:0 հաշվով` հօգուտ Հայաստանի հավաքականի:
