Վաղ թե ուշ ԼՂՀ-ն կդառնա միջազգային իրավունքի սուբյեկտ: Այդ մասին Հայաստանի և Արցախի Հանրապետության միջև համագործակցության միջխորհրդարանական հանձնաժողովի նիստի ընթացքում հայտարարել է ՀՀ ԱԺ խոսնակ Հովիկ Աբրահամյանը: Ինչպես հաղորդել է խորհրդարանի խոսնակը, հայ պատգամավորները միջազգային հանդիպումներում միշտ բարձրացնում են ղարաբաղյան հակամարտության կարգավորման հարցը: «Համոզված եմ, որ միջխորհրդարանական համագործակցությունը կնպաստի ԼՂՀ միջազգային ճանաչմանը»,- ասել է նա: