ԵԱՀԿ Մինսկի խմբի վերջին հայտարարությունը հասցեագրված է այն կողմին, որը վերջին ժամանակներս սադրիչ գործողություններ է ձեռնարկել: Այդ մասին Երևանում լրագրողներին է հայտնել ԼՂՀ Ազգային Ժողովի խոսնակ Աշոտ Ղուլյանը:
Պատասխանելով այն հարցին, թե արդյոք ղարաբաղյան կողմը բացառում է, որ Կազանում նախագահների հանդիպումից առաջ և հետո Ադրբեջանը սադրանքների կդիմի, խոսնակը հայտնել է. «Պաշտպանության բանակը միշտ պատրաստ է դիմակայել սադրանքներին, և ես գտնում եմ, որ Ադրբեջանը պետք է որ լավ դաս քաղած լինի մեր ադեկվատ պատասխաններից»: