Հասարակական կազմակերպությունները «Թափառող կենդանիների պաշտպանության կենտրոնի» հետ միասին Երևանում երթ են անցկացնում: Ակցիայի մասնակիցները, դիմակներ հագած, կրում են թափառող և անտուն կենդանիներին պաշտպանելու կոչ անող ցուցապաստառներ:
Ինչպես հաղորդում է PanARMENIAN.Net-ի թղթակիցը դեպքերի վայրից, երթի մասնակիցներն արդեն նամակը հանձնել են Հայաստանի խորհրդարան` պահանջելով հանդես գալ Կենդանիների իրավունքների պաշտպանության կոնվենցիային միանալու օրենսդրական նախաձեռնությամբ:
Ակցիայի մասնակիցները Բաղրամյան պողոտայից շարժվել են Պուշկինի փողոց, այնտեղից ուղևորվելու են քաղաքապետարան: