Արգենտինայի նախագահ Քրիստինա Ֆերնանդես-Քիշները Պետրո Մուրադյանին նշանակել է խտրականության, քսենոֆոբիայի և ազգայնամոլության դեմ պայքարի ինստիտուտի տնօրեն 180 օր ժամկետով: Այդ մասին հաղորդում է «Հայաստան» թերթը, որը լույս է տեսնում Բուենոս Այրեսում: Մուրադյանի նշանակումը պայմանավորված է ինստիտուտի տնօրեն Գլաուդիո Մորկատոյի և փոխտնօրեն Մարիա Ռաշիտոյի հրաժարականներով:
Մուրադյանը խտրականության և ռասիզմի դեմ պայքարի ոլորտի փորձագետ է, մասնակցել է մարդու իրավունքների հարցերով ՄԱԿ հանձնաժողովի խտրականության դեմ պայքարի հայեցակարգի մշակմանը: