Հայաստանի սննդամթերթի անվտանգության պետական ծառայությունը կոչ է անում Հայաստանի քաղաքացիներին ձեռնպահ մնալ միս գնելուց սառնարաններով չհագեցած առևտրի կետերից:
Ինչպես ասվում է ծառայության մամլո հաղորդագրության մեջ, օրվա ընթացքում քաղաքացիներից տեղեկություններ են ստացվել, որ ԳՈՒՄ-ի հարևանությամբ մսի տաղավարներում միսը կրկին վաճառվում է սառնարաններից զուրկ պայմաններում:
Հայաստանի սննդամթերքի անվտանգության պետական ծառայության անասնաբուժական վարչության պետ Հովհաննես Մկրտչյանը հունիսի 9-ին հայտարարել էր, որ ծառայությունը թույլ չի տա, որպեսզի անորակ միսը վաճառվի Հայաստանի խանութներում կամ շուկաներում: Ըստ նրա, վերոնշյալ ծառայությունն արդեն զգուշացրել է այդ մասին երկրի բոլոր տնտեսվարող սուբյեկտներին և մշտապես ստուգում է մսի վաճառքի պայմանները: