Երևան-Ինթերնեյշնլ և Գյումրի Ռոտարի ակումբները կազմակերպել են բարեգործական համերգ` Ճապոնիայում երկրաշարժից տուժածներին օգնության նպատակով: Համերգը կայացել է ս.թ. հունիսի 18-ին Երևանի Կամերային երաժշտության տան դահլիճում` Ստեփան Շաքարյանի, Վահան Արծրունու, «Արս Լունգա» դուետի (Արամ Թալալյան, Ջուլյետտա Վարդանյան) և Մարինա Ավթանդիլյանի ղեկավարած «Սպեղանի» երգչախմբի երաժշտական կատարումներով: Ծրագրում հնչեցին ջազային իմպրովիզացիաներ, երգեր, գրված Ռ. Դավոյանի և Կոմիտասի բանաստեղծություններով, և այլ երգահանների ստեղծագործություններ: Համերգի ընթացքում կայացած դրամահավաքի արդյունքում հանգանակված գումարը կփոխանցվի հասցեատերերին: