«ԱԼՌՈՍԱ» ռուսաստանյան ընկերությունն ընդլայնել է համագործակցությունը հայկական ընկերությունների հետ՝ վերջերս համագործակցություն հաստատելով ևս չորս ընկերությունների հետ, հունիսի 24-ի մամլո ասուլիսում հայտարարել է Հայաստանի էկոնոմիկայի նախարար Տիգրան Դավթյանը: Այսօրվա դրությամբ, նրա խոսքերով, «ԱԼՌՈՍԱ»-ն 10-12 ակտիվ գործընկեր ունի:
Հայ-ռուսական միջկառավարական հանձնաժողովի շրջանակներում ձեռք բերված պայմանավորվածությունը հայկական ընկերություններին 30 մլն դոլար արժողությամբ ալմաստ մատակարարելու մասին ընկերության սահմանագիծը չէ, և այդ ծավալները կարող են ընդլայնվել հայկական ընկերությունների կողմից իրենց պարտավորությունները կատարելու դեպքում: Տիգրան Դավթյանը հավելել է նաև, որ բանակցություններ են ընթանում ակնագործական ընկերությունների համար նոր գործընկերներ գտնելու ուղղությամբ:
2011-ի առաջին կիսամյակի վերջին հայկական ձեռնարկությունները ներկրել են «ԱԼՌՈՍԱ»-ից ալմաստ 6.8 մլն դոլար արժողությամբ: