Հայ ազգային կոնգրեսը բոլոր շանսերն ունի հայտնվելու նոր գումարման խորհրդարանում: Այդ մասին Երևանում կայացած մամլո ասուլիսում հայտարարել է սոցիոլոգիական «Սոցիոմետր» կենտրոնի ղեկավար Ահարան Ադիբեկյանը՝ կանխատեսելով 2012թ. խորհրդարանական ընտրությունների արդյունքները: Ադիբեկյանը նշել է, որ ՀԱԿ-ը մեծամասնություն կազմելու շանս չունի: Ըստ սոցիոլոգի, այսօրվա դրությամբ ժողովուրդը կգնա այն կուսակցության ետևից, որը կաշխատի ֆինանսական ճգնաժամի հաղթահարման ուղղությամբ:
Ադիբեկյանը հայտնել է նաև, որ ինքը տեղեկություններ ունի, որ առաջիկա խորհրդարանական ընտրություններում «Օրինաց երկիր» կուսակցությանը կմիանան նոր քաղաքական ուժեր, սակայն կոնկրետ կուսակցություններ չի նշել: