Նորաստեղծ Google+ սոցիալական ցանցի օգտագործողներն արդեն ունեն առավելություն։ Google-ի լուսանկարների ծառայությունը՝ Picasa-ն ծառայում է նաև Google+-ին։

Google-ը, հաշվի առնելով այս փաստը, Google+-ի օգտագործողներին շնորհել է Picasa-ի անսահմանափակ ծավալ։ Այս մասին հայտնում է Android Police-ը։

Մինչ այժմ Picasa վեբ ալբոմները ունեին 1 Գբ ծավալ յուրաքանչյուր օգտագործողի համար։ Հիմա արդեն Google+-ի օգտագործողները կարող են վերբեռնել ցանկացած նկար մինչև 2048x2048 չափսը և մինչև 15 րոպե տևողությամբ ցանկացած հոլովակ՝ առանց մտածելու ծավալի մասին։

Իսկ բոլոր նրանք, ովքեր չեն միացել Google+-ին, միշտ էլ կարող են օգտվել Picasa-ից՝ ունենալով 1Գբ ծավալ, իսկ վերջինս ավելացնելու համար կարող են տարեկան 5 դոլարով գնել 20Գբ ծավալ։