Աշոտ Դանիելյանն առաջին տեղն է զբաղեցրել տղամարդկանց սամբոյի Ալբերտ Աստախովի միջազգային հուշամրցաշարում: Ինչպես հաղորդում է Հայաստանի Սամբոյի ֆեդերացիայի մամլո ծառայությունը, 2011 թվականի հուլիսի 1-ից 5-ը Վենեսուելայի մայրաքաղաք Կարակասում տեղի ունեցավ Սամբոյի աշխարհի գավաթի փուլերից` Ալբերտ Աստախովի հուշամրցաշարը, որին Հայաստանի Հանրապետությունը ներկայացնում էին ստեփանակերտցիներ Մարտին Միրզոյանը և Աշոտ Դանիելյանը, վերջինս այս տարվա նախորդ փուլերից երկուսում` Ղազախստանի Ուրալսկ և Ռուսաստանի Մոսկվա քաղաքներում կայացած մրցաշարերում նվաճել էր արծաթե մեդալներ:
Այս անգամ Սամբոյի և ձյուդոյի Օլիմպիական մանկապատանեկան մարզադպրոցի սաներ, Աշոտ Դանիելյանը 82 կգ քաշային կարգում մարտական սամբոյից գրավեց 1-ին տեղը` արժանանալով ոսկե մեդալի, իսկ Մարտին Միրզոյանը մարզական սամբոյից` բրոնզե մեդալի (62 կգ ք/կ):