Նավթի համաշխարհային գների անկանխատեսելիությունն արգելակել է Իրան-Հայաստան նավթատարի շինարարությունը
Առաջիկայում նախատեսվում է Իրանից Հայաստան նավթատարի շինարարության բանակցությունների վերսկսման շուրջ աշխատանքային հանդիպում: Այդ մասին հուլիսի 13-ին Երևանում մամլո ասուլիսում հայտարարել է Հայաստանի էներգետիկայի և բնական պաշարների նախարար Արմեն Մովսիսյանը:
Նրա խոսքով, նավթատարի շինարարությունը կախված է մի շարք գործոններից, մասնավորապես, նավթի գների համաշխարհային տատանումներից: «Երբ համաշխարհային շուկաներում սկսվել է նավթի գների տատանումը, իրանական կողմը զերծ է մնացել այնքան ժամանակ, մինչև պարզ է դարձել, թե ինչ է կատարվում»,- ասել է նա:
