Հայաստանը և Իրանը կառուցում են բարձրավոլտ էլեկտրահաղորդումների գծեր, որոնց հզորությունը 400 կվ է և անհրաժեշտություն կա դրանք շարունակել Վրաստանում: Ինչպես նշել է հուլիսի 13-ին Երևանում մամլո ասուլիսում Հայաստանի էներգետիկայի և բնական պաշարների նախարար Արմեն Մովսիսյանը, դա թույլ կտա հանրապետությանը մասնակցել էլեկտրաէներգիայի դեֆիցիտ ունեցող երկրներին անհրաժեշտ էներգիայով ապահովելու մեջ:
Նախարարի խոսքով, ի սկզբանե Հայաստանի և Վրաստանի միջև պայմանավորվածություն է ձեռք բերվել մեկ սխեմայի շուրջ: Բայց Վրաստանը, որը նույնպես սկսել է ակտիվ զարգացնել այդ հատվածը, առաջարկել է ավելի լավ տարբերակ և «մենք համաձայնվել ենք»:
«Այս դեպքում նախագծի արժեքն ավելանալու է 5.6 մլն դոլարով, բայց մենք ավելի լավ հնարավորություն կունենանք այդ սխեմայով արտահանել մշակված էներգիան դելի Վրաստան, այնուհետև` Թուրքիա և Ռուսաստան»,- ասել է նախարարը:
