Հայաստանի կառավարության շենքի առջև իրարանցում է տիրում: Բողոքի ակցիաներ են անցկացնում մարդկանց մի քանի խմբեր, այդ թվում փողոցային առևտրով զբաղվողները, ավիացիայի ոլորտի հաշմանդամները, բնապահպանները, ինչպես նաև պատերազմում զոհվածների ծնողները: Բացի այդ բողոքում են նաև մարդիկ, որոնք փոխհատուցում չեն ստացել Հյուսիսային պողոտայի տեղում իրենց տների համար: Նրանք բոլորը պահանջում են իշխանություններից ականջալուր լինել իրենց խնդիրներին և օգնել իրենց: