21-րդ դարում մշակույթը, կինոն ու մեդիան պետք է դառնան պետական դիվանագիտության լծակները: Ինչպես Երևան-Մոսկվա-Աստանա-Կիև հեռուստակամուրջի ժամանակ հայտարարել է Երևանի թատրոնի և կինոյի պետական ինստիտուտի տնօրեն Արմեն Մազմանյանը, մշակույթն ու ոգեղենը միակ արժեքավոր գործիքն են, որի միջոցով մարդիկ կարող են հասկանալ միմյանց:
«Ես կարծում եմ, որ մենք պետք է հիմնվենք ընդհանուր արժեքների վրա»,-ասել է Մազմանյանը: Նա հավելել է, որ Հայաստանում այդ փորձն արդեն կա: «Ոսկե ծիրանի» շրջանակներում Հայաստան են ժամանաում թուրք ռեժիսորներ ու լրագրողներ»,-ասել է նա՝ հավելելով, որ հակամարտող կողմերը հակամարտության բովանդակությունից դուրս հաճախ միանման են մտածում և շատ ընդհանրություններ ունեն:
«Օրինակ, Թուրքիայում մտավորականությունը շատ հարցերում մեր նման է մտածում»,-նշել է նա:
