«Բի-բի-սի»-ի լրագրողները 24-ժամյա գործադուլ են սկսել: Գործադուլի պատճառը զանգվածային կրճատումներն են, որ կատարվել են ծախսերի կրճատման կառավարական ծրագրի շրջանակում: Ավելին, վերջին ամիսներին հարյուրավոր մարդիկ ստիպված են եղել հեռանալ «Բի-բի-սի»-ի համաշխարհային և դիտարկման ծառայություններից: Արհմիությունում գտնում են, որ այդ կրճատումներից կարելի էր խուսափել, եթե ղեկավարությունը չհրաժարվեր հետագա բանակցություններից: Ըստ գործադուլավորների, կրճատումները պետք է կատարվեն այն աշխատակիցների շրջանում, որոնք կամավոր կցանկանան ազատվել աշխատանքից փոխհատուցման դիմաց, գրում է gazeta.ru-ն: