Հուլիսի 15-ին Երևանի «Դինամո» մարզասրահում ավարտվեց Հայաստանի բռնցքամարտի առաջնությունը, որին մասնակցեց 125 բռնցքամարտիկ Հայաստանի չորս մարզերից՝ Շիրակից, Կոտայքից, Գեղարքունիքից, Արմավիրից, ինչպես նաև Երևանից: Կանանց թվում պայքարում էր 14 մասնակից:
Չեմպիոններ դարձան Անուշ Գրիգորյանը (48կգ ք/կ), 52 կգ քաշային կարգում հավասարը չուներ Արմենուհի Եղոյանը,. 56կգ կարգում՝ Լիանա Ղուկասյանը, 60 կգ քաշային կարգում՝ Արմինե Սինանյանը, իսկ 64-69 կգ քաշային կարգում Աննա Հովհաննիսյանը:
«Նախորդ տարվա համեմատ կանանց բռնցքամարտի հանդեպ հետաքրքրությունը Հայաստանում աճել է և արդեն հանդես են գալիս մասնակիցներ տարբեր մարզերից»,- PanARMENIAN.Net-ի թղթակցի հետ զրույցում ասել է մրցումների գլխավոր քարտուղար Նվեր Վարդանյանը:
Տղամարդիկ դեռևս շարունակում են պայքարը և հայտնի են չեմպիոնների անունները միայն երկու քաշային կարգում՝ Սուրեն Առաքելյան (49 կգ ք/կ) և Դերենիկ Գիժլարյան (52կգ ք/կ): Մյուս եզրափակիչ հանդիպումները շարունակվում են: