Հայաստանի հավաքականը շախմատի աշխարհի թիմային առաջնությունում հաղթանակ է տարել Հնդկաստանի հավաքականի նկատմամբ: Վերջինն ավարտվել է Սերգեյ Մովսիսյան-Քրիշնան Սաշիկիրան պարտիան: Հայ գրոսմայստերը 65-րդ քայլում ստիպել է մրցակցին համաձայնվել ոչ ոքիի:
Հայաստան-Հնդկաստան հանդիպումն ավարտվել է 2,5:1,5 հաշվով՝ հօգուտ հայ շախմատիստների:
Հայաստանի հավաքականի անդամներից հաղթանակ է տարել միայն Լևոն Արոնյանը, Վլադիմիր Հակոբյանը և Գաբրիել Սարգսյանը նույնպես ոչ ոքի են խաղացել:
Հայաստանի հավաքականը 16 միավորով շարունակում է գլխավորել աշխարհի առաջնությունը: