Հայաստանի տարածքային նախարարությանն առընթեր Միգրացիոն պետական ծառայությունը հուլիսի 29-ին Երևանում ներկայացրել է www.smsmta.am նոր կայքը: «Այս կայքի ստեղծման նպատակը միգրացիոն գործընթացների մասին լիարժեք և հավաստի տեղեկատվություն տրամադրելն է»,- հուլիսի 29-ին Երևանում մամլո ասուլիսում ասել է ծառայության պետ Գագիկ Եգանյանը:
Ներկայացնելով նոր կայքը` նա հաղորդել է, որ այցելուները կարող են ծանոթանալ օրենսդրությանը, ընդ որում, ինչպես տեղի, այնպես էլ միջազգային, որը կանոնակարգում է միգրացիոն գործընթացները: Այստեղ ներկայացվելու են նոր նախագծեր, որոնց քննարկմանը կարող են մասնակցել բոլոր ցանկացողները: Գագիկ Եգանյանի խոսքով, կայքում կան բաժիններ, որոնք շոշափում են մուտքի, ժամանակավոր կամ մշտական բնակություն ստանալու թույլտվության, ինչպես նաև երկքաղաքացիության հետ կապված հարցեր:
Պետական միգրացիոն ծառայության պետը նաև հաղորդել է, որ նոր կայքում կարելի է գտնել տվյալներ փախստականների և նրանց տրամադրված բնակարանների քանակի վերաբերյալ:
