Համահայկական խաղերի սեղանի թենիսի մասնակիցները շարունակում են պայքարն արդեն կիսաեզրափակիչներում: Իրենց վարպետությամբ աչքի ընկան Երևանի, Շուշիի, Թեհրանի ու Գյումրիի թենիսիստները, նրանք կարողացան հաղթել բոլոր մրցակիցներին և դուրս եկան կիսաեզրափակիչ:
Սեղանի թենիսի չորրորդ հատուկ մարզադպրոցում հանդիպեցին Երևան-Թեհրան, Գյումրի-Շուշի թիմերը: Երևանը 3:1 հաշվով հաղթեց Թեհրանին, իսկ Շուշին 3:2 հաշվով առավելության հասավ Գյումրիի նկատմամբ:
Եզրափակչում, որը տեղի կունենա օգոստոսի 16-ին, կհանդիպեն Երևանի և Շուշիի թիմերը: