ԱՄՆ նախագահ Բարաք Օբաման շտապ խորհրդակցություն է անցկացրել նախօրեին տեղի ունեցած երկրաշարժի հասցրած վնասաները գնահատելու համար, հաղորդում է The Wall Street Journal-ը: Նախագահին հաղորդել են, որ ենթակառուցվածքի, այդ թվում օդանավակայանների և ԱԷԿ-ի մեծ վնասների մասին տվյալներ չկան: «Նախագահը խնդրել է կանոնավոր կերպով իրեն տեղեկատվություն տրամադրլ իրավիճակի զարգացման մասին»,- ասվում է Սպիտակ տան պաշտոնական ներկայացուցչի առաջին տեղակալ Ջոշ Էռնեստի հայտարարությունում:
Երեքշաբթի օրը ԱՄՆ-ում տեղի է ունեցել 5,9 մագնիտուդով երկրաշարժ, տարհանվել են Կապիտոլիումը և Պենտագոնը: Ստորգետնյա ցնցումների էպիկենտրոնը գտնվել է Միներալ քաղաքից 15 կմ և Վաշինգտոնից 159 կմ հեռավորության վրա: