2011-ի առաջին կիսամյակում Երևանի փայլաթիթեղագլանման ԱՐՄԵՆԱԼ գործարանը, որը մտնում է աշխարհում ալյումին և կավահող արտադրող խոշորագույն ՌՈՒՍԱԼ Միացյալ ընկերության կազմի մեջ, արտադրել է 13 110 տոննա արտադրանք: Ինչպես նշվում է ընկերության մամլո ծառայության հաղորդագրությունում, դա 8,2 տոկոսով ավել է անցյալ տարվա նույն շրջանի համեմատ:
Հաշվետու շրջանում արտահանման ծավալը կազմել է 12 602 տոննա արտադրանք, ինչը գերազանցում է անցյալ տարվա հունվար-հունիսի ցուցանիշը 4 տոկոսով: Հայաստանի ՊԵԿ մաքսային ծառայության տվյալների համաձայն ԱՐՄԵՆԱԼ-ի արտահանման աճը դրամական արտահայտմամբ կազմել է 19 տոկոս` մինչև 45,1 մլն դոլար: