Նիդերլանդների քաղաքական կուսակցությունների ներկայացուցիչները նամակ են հղել երկրի ԱԳՆ ղեկավար Ուրի Ռոզենտալին, գրում է Nouvelles d ‘Armenie:
Նամակում քաղաքական գործիչները մի քանի հարց են ուղղել Օսմանյան կայսրությունում 1915-ին տեղի ունեցած դեպքերը որպես Ցեղասպանություն ճանաչելու վերաբերյալ: Քաղաքական գործիչները նախարարին հիշեցրել են, որ երկրի խորհրդարանն ավելի վաղ ընդունել է երաշխավորագիր Հայոց ցեղասպանության հարցը ԵՄ-Թուրքիա բանակցությունների օրակարգ մտցնելու մասին:
Հոլանդացի քաղաքական գործիչները հարցրել են Հաագայի արվարձանում Հայոց ցեղասպանության զոհերի հուշահամալիր կառուցելու կառավարության որոշման մասին:
Պատասխան նամակում նախարար Ռոզենտալը միայն նշել է, որ երկրի կառավարությունը չի աջակցում հուշահամալիրի շինարարության գաղափարը, որից հետո կուսակցությունների ներկայացուցիչները կոչ են աևել նախարարին արիություն հանդես բերել Հայոց ցեղասպանության ճանաչման հարցում: