Օգոստոսի 31-ին Հայաստանի արտգործնախարար Էդվարդ Նալբանդյանն ընդունեց պաշտոնական այցով Հայաստան ժամանած Գերմանիայի Դաշնային Հանրապետության պաշտպանության նախարարության խորհրդարանական պետքարտուղար Քրիստիան Շմիդթին: Ինչպես հաղորդում է ՀՀ ԱԳՆ մամուլի, տեղեկատվության և հասարակայնության հետ կապի ծառայությունը, արտգործնախարարը բարձր գնահատեց վերջին տարիներին հայ-գերմանական քաղաքական երկխոսության և բազմաբնույթ համագործակցության դինամիկ զարգացումը` համոզմունք հայտնելով, որ նմանօրինակ փոխայցելություններն առավել կամրապնդեն հայ-գերմանական հարաբերությունները:
Քրիստիան Շմիդթն իր հերթին գոհունակություն հայտնելով տարբեր բնագավառներում հայ-գերմանական հարաբերությունների ամրապդնման կապակցությամբ` հատուկ շնորհակալություն հայտնեց Աֆղանստանում անվտանագության աջակցության ուժերին գերմանական զորախմբի կազմում հայ խաղաղապահների ներդրման համար: Պետքարտուղար Շմիդթի խնդրանքով նախարար Նալբանդյանը ներկայացրեց արցախյան հիմնախնդրի կարգավորման բանակցային գործընթացի վերջին զարգացումները:
Զրուցակիցները հանգամանալից զրույց ունեցան մի շարք միջազգային և տարածաշրջանային հարցերի շուրջ:
