Հայաստանի փոխվարչապետ, Հայաստանի Հանրապետությունում 2011թ. անցկացվելիք մարդահամարի նախապատրաստման և անցկացման համապետական հանձնաժողովի նախագահ Արմեն Գևորգյանի մոտ այսօր տեղի ունեցած խորհրդակցությանը քննարկվել է մարդահամարի նախապատրաստական աշխատանքների ընթացքը: ՏԿՆ մամլո ծառայությունից տեղեկացնում են, որ Ազգային վիճակագրական ծառայության նախագահ Ստեփան Մնացականյանը զեկուցել է, որ աշխատանքներն ընթանում են բնականոն հունով, ամեն ինչ արվում է միջոցառումը պատշաճ մակարդակով անցկացնելու համար:
Գևորգյանը գործընթացում ներգրավված բոլոր կառույցների ներկայացուցիչներին հորդորել է պատասխանատվությամբ և պատշաճ մակարդակով կազմակերպել միջոցառումը, ինչպես նաև աջակցել իրազեկման աշխատանքներին: Նա նաև շնորհակալություն է հայտնել միջազգային կազմակերպություններին գործընթացին օժանդակելու համար:
