Երևանի «Միկա» մարզադահլիճում սեպտեմբերի 28-29-ին տեղի կունենա Հայաստանի բազկամարտի առաջնությունը (պատանիներ և մեծահասակներ): Այն նվիրված է մարզաձևի հանրապետական ֆեդերացիայի առաջին նախագահ, պատմագիտության թեկնածու,միջազգային կարգի մրցավար Աշոտ Սարգսյանի հիշատակին: Մրցանակային ֆոնդը 12 միլիոն դրամ է:
Մասնակիցները կմրցեն աջ և ձախ ձեռքերով: Պատանիները կներկայացնեն` յոթ, մեծահասակները` վեց քաշային կարգ:
Մրցումները կսկսվեն սեպտեմբերի 28-ին ժամը 12-ին և սեպտեմբերի 29-ին ժամը 11-ին: Առաջնության գլխավոր մրցավարն է Կարո Աղաջանյանը, հաղորդում է ՀԱՕԿ պաշտոնական կայքը: