Սեպտեմբերի 11-ին Թուրքիայի Աղթամար կղզու Սուրբ Խաչ եկեղեցում երկրորդ պատարագն է մատուցվել Խաչվերաց տոնի առթիվ:
Ինչպես հաղորդում են թուրքական ԶԼՄ-ները, պատարագին մասնակցել են մոտ 3000 հավատացյալներ, արարողությունը տևել է 2 ժամ: Պատարագը մատուցել է ՀԱԵ Կոստանդնուպոլսի պատրիարքության աթոռակից պատրիարք, արքեպիսկոպոս Արամ Աթեշյանը:
2010թ. սեպտեմբերի 19-ին Աղթամարի Սուրբ Խաչ եկեղեցում տեղի ունեցավ վերջին 95 տարվա ընթացքում առաջին պատարագը, սակայն թուրքական իշխանությունները չկատարեցին իրենց խոստումը, և խաչը գմբեթին բացակայում էր: Խաչը տեղադրվեց պատարագից միայն երկու շաբաթ անց: Առաջին պատարագին մասնակցել է մոտ 7000 հայ: